Миңнеханов Татарстан президенты вазифасына намзәтләргә таләпләр турында канун имзалады Татарстан сайлау кодексына үзгәрешләр керткән канунны Татарстан Дәүләт шурасы депутаты Альберт Хәбибуллин тәкъдим иткән иде. Аерым алганда, төзәтмәләрдә "Татарстан президенты вазифасына илдә даими нигездә яшәүче ватандашлар гына" дәгъва кыла алачак диелә. Яңа канунда чит ил ватандашлары һәм Русиядә "ят агентлар" дип танылган кешеләргә карата кырыс чикләүләр кертелә. Аларга үз намзәтләрен тәкъдим итү, сайлау кампанияләренең нәтиҗәсенә тәэсир итә ала торган эшчәнлектә катнашу тыела. ▪️2023 елда Татарстан Конституциясенә кертелгән үзгәрешләргә күрә, хәзер Татарстан президенты вазифасына намзәтләргә татар телен белү дә мәҗбүри түгел. Элек намзәтләргә ике дәүләт телен белү шарты булган куелган иде. ▪️Шул ук Конституциясе үзгәрешләренә ярашлы, республика президентына намзәткә Татарстанда яшәү таләбе дә юкка чыкты. Татарстан белән Русия ватандашы, ягъни башка төбәк вәкиле дә идарә итә алачак. Конституция үзгәрешләре турында элегрәк тәфсилләп язган идек. #Татарстан @azatliqradiosi