⚡«Ҡурайҙың ете мөғжизәһе» музыкаль спектаклен ҡарарға саҡырабыҙ⚡ 10 апрелдә «Атайсал» мәҙәниәт үҙәгендә «Ҡурайҙың ете мөғжизәһе» музыкаль спектакле күрһәтелә. Спектаклде «Битлекһеҙ» инклюзив театр студияһы тәҡдим итә. Автор-режиссеры – Айгөл Атаева. «Ҡурайҙың ете мөғжизәһе» - ул үҙгәртеп ҡороу һәм яңырыу тураһындағы тарихты һөйләүсе мауыҡтырғыс музыкаль-театр тамашаһы. Тамашасылар 7 тылсымлы ҡурай бөртөгө йыйыу өсөн геройҙың ысын юлын күрәсәк. Сәхнәләге актерҙар геройҙарҙың эмоцияларын һәм кисерештәрен бик яҡшы сағылдыра, тамашасыларға әкиәт донъяһына тәрән төшөнөргә мөмкинлек бирә. «Битлекһеҙ» инклюзив театр студияһы – Башҡортостан Республикаһының инвалид балаларҙың ата-әсәләре «СоДействие» Төбәк йәмәғәт ойошмаһы проекттарының береһе. Студия 2016 йылдан эшләй. Үткәреү урыны: Өфө ҡалаһы, Кустарная урамы, 17 Башлана 11.00 сәғәттә. Инеү ирекле!