Открыткане кенерсть пачкодемс азорснонды Од кизода инголе)) Сёрматфозень тячи получазе Самараста Марина. Вов мезе сёрмады: Шумбрат, кельгома Оксана! 🥰🤗 Мон ëмлапингстон пяк кельгине сëрмань тяштемазень. Тяшнень ялганенди, конат кизонда сашенкшнесть бабаснон пяли велезонк и нинге сяда кельгине, мзярда эстейнь эздост сашендсть сëрмат. Тячи мон ефси мрдань ся пингти. Тейнь почтальонць кандсь пяк мазы, мялень салай, открытка. 🥰🥰🥰 Мон эстакиге шарьходень, тя монь од содаф интернетонь ялгазень- Оксанань эзда! Мазы серматфсь: вень фонарьне акша ловнять ланса, потмосонза палы эжди толня... Дивандан тонь асу шицьти! И тя нинге открыткать  омбопяленц ашине шарфта. Няемок, што тяштьф мокшек, тусть сельмеведене. Тейнь кивок мзярданга ашезь сëрматкшне тядянь-алянь  мокшень кяльса ляпе, седиень пети валнят. Тя питни казнесь сась тячи- ташта стильса Роштуваста. Монь Од Кизозе уставась тячи! Сюкпря, Оксана! Тоньценьге малаткшни Од Кизоть и Роштувать мархта. Кеме шумбраши и оцю паваз!  🎄🎅🔔❄️