Петербурда сигез мең видеокамераны кешенең кайсы милләттән булуын ачыклардай итеп көйлиләр Янәсе бу төбәктә "этник анклавлар оешуга" каршы көрәшү, "социаль киеренкелек тууны булдырмас өчен алдан ук вакытында чаралар күреп кую өчен" эшләнә. Кеше хокуклары шурасы башлыгы Валерий Фадеев Петербур хакимиятләренең тәкъдимен "кешенең дәрәҗәсен кимсетә" диде. Русиядә бер миллионнан артык видеокамера урнаштырылган. Аларның кимендә 30% йөзләрне тану системына тоташтырылган. Алар ярдәмендә гадәттә митингларга чыгучылар тоткарлана. 🔹Йөзләрне танучы систем Татарстанда да эшли. Моның өчен Татарстан Мәскәү кушуы белән Кытай тәҗрибәсен өйрәнде, проектны тормышка ашыру өчен кытай ширкәтләрен җәлеп итте. Әйтик, бу эштә Hikvision ширкәте катнашты. 🔹Hikvision — күзәтү камералары җитештерү ягыннан дөньядагы иң зур ширкәт. Синҗанда уйгырларны автомат рәвештә ачыклый торган ясалма интеллектлы камераларны нәкъ менә Hikvision ясаган. 👉Тулырак монда укыгыз.