🇬🇪Грузиянең элекке президенты Михаил Саакашвилины акча туздырганы өчен 9 ел колониягә хөкем иткәннәр.
Ул хакта "Эхо Кавказа" медиасы хәбәр итә. Саакашвили аеруча зур күләмдә бюджет акчаларын туздыруда гаепле дип табылган.
Саакашвили инде төрмәдә: моңарчы аны банк хезмәткәре Сандро Гиргвлиани үтерүчеләрен ярлыкау һәм депутат Валери Гелашвилины кыйнау эшләре нигезендә 6 елга хөкем иткәннәр иде.
Саакашвили 2021 елның 1 октябреннән бирле сак астында. Ул үзе аңа карата ачылган җинаять эшләрен сәяси эзәрлекләү буларак бәяли. Яңа хөкем карарын исәпкә алып, Грузиянең элекке президенты иреккә 2030 елда чыгачак.
@azatliqradiosi